Anáris holbbit fas šlivggodit go eamiálbmogiid musihkkafestivála Ijahis idja čohkke olbmuid sámekulturguovddáš Sajosa šilljui návddašit livemusihkas. Yle Sápmi sádde streamsáddaga ovdal konsearttaid álgima diibmu 16.00–16.45. Sáddaga lágideaba Xia Torikka ja Linda Tammela. Sáddagis gullat Ijahis ija dáiddalašjođiheaddji Anna Näkkäläjärvi-Länsman jurdagiid festiválas ja analyseret festiválamohta ovttas nuorra duojárguoktáin Eveliina Järvisiin ja Rita Nurmerintain. Dasa lassin beassat oaidnit dovdduid duodjemárkaniin ja bargobájiin.